41 - 圍威喂，老嘮爐

好冷的天氣，除了攬身旁伴侶的車呔，請佢食嘅凍柑，寒冰腿取暖外，還剩下的唯靠橕個夠讓自己充斥一下飽暖感，要不然怎渡過漫漫長冬？搵埋三五兄弟去邊一邊，就係渡過最冷一天的最好辦法。香港人一連四季都鍾意打邊爐，我都唔例外，呢家寫嘅都係夏天時去的，各位螢光幕前的讀者千祈唔好學，好燥熱架。呢家睇番啲相都會份外溫暖，放假天有三個兄弟出黎啤一啤，夫復何求？

雖然招牌大大隻字寫住豬骨煲，但令我想拎筆寫評的卻不四腳踏地，只背朝天。多得老死介紹，方能覓此味特別非常的火鍋，你心諗，打邊爐有幾搞野？咁你就唔好走寶啦。店鋪四四正正，唯有一個頂(音：頂頭鎚)頂(音：山頂)位，白皚皚如舊色辦館，但簡單裝修更覺自在，佬味十足。請原諒今次相片多於字，因火鍋就是料多。