生日早早請咗假，同友人行咗半天，仲食咗個甜品（明明我唔開心唔願意食甜嘢），再行完好多地方，晚上先約咗大班同事食飯。而佢哋知我好中菜而揀咗間尖沙咀的老店，鹿鳴春。聽就聽過「做冬食大閘蟹要去」得多，由細到大行過還沒K11的街上都唔少，上去食飯就真係第一次。食中菜最緊要就係呼朋叫友，唔係好難試得多幾味餸，而且圓桌坐起來也沒那麼興奮。
鹿鳴春，係一間商廈中的酒家。在街上，會見到酒家的霓虹燈招牌；再走入那舊式的大堂，更見「Peking Food Spring Deer Restaurant」的亞加力牌，這北京稱謂更見其歷史。上一層便到，推門那刻看到那多八十的陳設，不高的樓底，透白紗窗，膠地板，白光的假天花，花邊切割鏡片的柱身，好似個段香港最光輝嘅時刻，係呢間餐館，凝住了。
